عدد الرسائل : 127 مكان التواجـد : الإمارات الغالية أنا : تاريخ التسجيل : 30/11/2007
موضوع: قصيدة عن التوطين واااااااااااااايد حلوة السبت يناير 19, 2008 3:59 am
قصيدة منقولة من كاتب مجهول مع الاعتذار للجميع وش عاد يـا دار ٍ بهـا صـار ( توطيـن ) و في مكتب التوظيف سوسـن و ميسـون ! مديـرهـم مـدحـت و نائبْـتـه نسـريـن و على الرسبشن حمّص و فول و زيتـون ! كل ما اتصلت اسمع ( الـو مرحبـا ميـن ؟ بدّك وظيفه ؟ .. مين دلّك علـى هـون ؟ ) اقـول انـا لـي اتصـل صـار شهـريـن و انتـوا وعدتونـي متـى بـس تـوفـون اسمي ( مواطن ) ( جامعي ) طيب و زيـن كنـي ابخـطـب عنـدكـم و اتّغـلـون ! عنـدي شهـاده طايحـه بجبـدي سنـيـن عشـش عليهـا شـي لـه ستـة عيـون !! لـو للشهـاده لسـان قالـت ( علـى ويـن ناوي تودينـي .. تلـف فينـي الكـون ؟ ) مـن كثـر مـا صورتهـا غـارق بـديـن للهندي راعـي المطبعـه صـرت مديـون لا ليلـي ليـل ولا نهـاري نـوى يبـيـن دقيت راسـي ليـن مـا صـرت مينـون ! مطلـوب خبـره عالأقـل فـي مجالـيـن ولا تجينـا بواسطـه و سيـر مـدهـون ! ولا انثبـر فـي بيتـك .. افـرك بكفـيـن يومـك يشابـه امسـك و عيـش مغـبـون تعـدادنـا ويّـاهـم اربـــع مـلايـيـن و اهل البلد للحين مـا صـاروا مليـون !! ويـلاه مـن باكـر اذا وضعـنـا الحـيـن و احنا اقـل مـن الربـع حالنـا شجـون ! و اللي ابتسـم لـه حظـه والله مسكيـن ! حصّل وظيفه .. بس في وين .. تـدرون ؟ ساكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهلـه بـس فـي الأسبـوع يوميـن و اذا حسبتوا الدرب كم ساعـه .. تبكـون يعنـي فـي كـل احوالـه ذاق الأمـريـن شغّـال محـزون و بـلا شغـل محـزون و الأجبنـي اللـي راتبـه فـوق عشريـن فلـه و سيـاره و تذاكـر .. و طـاعـون عنـده بـدل كـل شـي عالراتـب الفيـن حتى بـدل معجـون اسنـان و صابـون ! و من بعد مـا يجمـع مـن بـلادي فلسيـن و يربّي م القعـده علـى الكرسـي بطـون و يصير في بلاده غنـي و عنـده برجيـن يرحل و هو جاحد .. و كم مثلـه ملعـون ! و حتى الجماعـه قـوم مدحـت و نسريـن مـردّهـم لبـلادهـم لـــو يـطـولـون يرضـون بشويـة دراهــم .. و شفتـيـن صبح و عصر .. لو حتى في الليل يرضون بـس لـو سمعتـوا همسهـم بينهـم بـيـن وسـط القهـاوي يلعـنـون و يسـبـون ! لا تحسبونـي عنصـري .. كلـنـا طـيـن و الخـل لـو عـاتـب محبيـنـه يـمـون داري و انـا اولـى بهـا مـن الغريبـيـن مـا يوصلـون لحبـهـا لــو يمـوتـون و ( الأقربون اولى ) .. كلام ٍ مـن الديـن ما جبته من شعـري مـع الهـام و ظنـون
ولـد البلـد مـا يبغـي لـبـلاده الشـيـن بـالـروح بـالـدم يفتديـهـا ولا يـخـون لكن سؤالـه يـوم قلتـوا لـه ( توطيـن ) يا كيف بيـد الغـرب توظيفـه يكـون ؟؟!! شعارهـم معـروف ( راجعنـا بعـديـن ) و بايـن مـن التأجيـل .. انهـم يخـافـون اذا معـك خبـره .. يـا اهليـن و سهليـن و اذا شهـاده بـس .. عـنـك يـصـدون مـا عندنـا شاغـر .. و بطلـنـا تعيـيـن ولو تحـرق الهاتـف تـرى مـا يـردون ! من وين اجيب الخبره ؟ من وين من ويـن ؟ دام الوظيفـه عنـد سوسـن و ميـسـون ! عنـدي بمطبـخ بيتنـا خـبـره سنتـيـن ! تنفـع اذا صـاروا المطاعـم يوطنـون ؟؟! ولا اهاجر و آخذ الخبـره فـي الصيـن ؟ صـح العيـون صغـار .. لكـن يقـدْرون سـؤال يـا دار ٍ ..صراحـه بترضـيـن ؟ اني اسافر و اطلب الغـرب لـي عـون ؟ و سؤال يا نـاس ٍ علـى الـراس و العيـن صدق الوظايف واسطه و سيـر مدهـون ؟ امـا الجـواب الشافـي يجينـي الحـيـن او هاتوا تأشيـره .. اذا كنتـوا ترضـون ! ______________________________________
بيكاتشو :: مشـــرف ::
عدد الرسائل : 1379 مكان التواجـد : لاتشوف وراك أنا : تاريخ التسجيل : 22/12/2007
موضوع: رد: قصيدة عن التوطين واااااااااااااايد حلوة السبت يناير 19, 2008 6:29 am
الصراحه ...قصيده معبرة ... ويعطيك العافية اخوي ... ماشالله مواضيعك كل واحد احلى من الثاني....استمر اللله يوفجك
جودي أبوت :: عضـو نشيــط ::
عدد الرسائل : 123 مكان التواجـد : في بيتنا أنا : تاريخ التسجيل : 19/01/2008
موضوع: رد: قصيدة عن التوطين واااااااااااااايد حلوة السبت يناير 19, 2008 4:08 pm
تسلم أخوي
بس ياليت تخبر اللي كاتبها يكتب عن الطيبة
ولد العين :: عضـو شـرف ::
عدد الرسائل : 127 مكان التواجـد : الإمارات الغالية أنا : تاريخ التسجيل : 30/11/2007
موضوع: رد: قصيدة عن التوطين واااااااااااااايد حلوة السبت يناير 19, 2008 9:03 pm
افا عليج عن الطيبة مدح و تاريخ مشهود ما بكمل ... انتظري الشعر القادم شكرا جودي ابوت وبيكاتشو
% الــ ع ــبدولي % :: مشـــرف ::
عدد الرسائل : 1815 العمر : 32 مكان التواجـد : < الــــــــبــــــــاحـــــه > الوظيـفة : $ مــــلــــيـــارديــــر $ أنا : تاريخ التسجيل : 06/01/2008
موضوع: رد: قصيدة عن التوطين واااااااااااااايد حلوة السبت يناير 19, 2008 9:59 pm
ها القصيدة سمعتها عالراديو ذاك اليوم و الحين عالتلفونات
بريق المرايا :: عضـو نشيــط ::
عدد الرسائل : 170 مكان التواجـد : بلاد الله أنا : تاريخ التسجيل : 12/11/2007
موضوع: رد: قصيدة عن التوطين واااااااااااااايد حلوة الأحد يناير 20, 2008 5:57 pm
للاسف يا ولد العين الواحد يقرا القصيده وفي قلبه حسره؟؟ مـا عندنـا شاغـر .. و بطلـنـا تعيـيـن ولو تحـرق الهاتـف تـرى مـا يـردون ! من وين اجيب الخبره ؟ من وين من ويـن ؟ دام الوظيفـه عنـد سوسـن و ميـسـون ! ست سنين كفاح في البحث عن وظيفه وفي الاخير قطاع خاص بس الحمد الله نعمه
% الــ ع ــبدولي % :: مشـــرف ::
عدد الرسائل : 1815 العمر : 32 مكان التواجـد : < الــــــــبــــــــاحـــــه > الوظيـفة : $ مــــلــــيـــارديــــر $ أنا : تاريخ التسجيل : 06/01/2008
موضوع: رد: قصيدة عن التوطين واااااااااااااايد حلوة الأحد يناير 20, 2008 10:20 pm
في المناصب .......ميسن و مبسون في المنازل......... حمد و حسون
الله يستر
ولد العين :: عضـو شـرف ::
عدد الرسائل : 127 مكان التواجـد : الإمارات الغالية أنا : تاريخ التسجيل : 30/11/2007
موضوع: رد: قصيدة عن التوطين واااااااااااااايد حلوة الإثنين يناير 21, 2008 12:28 am
نورت مواضيعي يا %العبدولي% و بريق المرايا
% الــ ع ــبدولي % :: مشـــرف ::
عدد الرسائل : 1815 العمر : 32 مكان التواجـد : < الــــــــبــــــــاحـــــه > الوظيـفة : $ مــــلــــيـــارديــــر $ أنا : تاريخ التسجيل : 06/01/2008
موضوع: رد: قصيدة عن التوطين واااااااااااااايد حلوة الثلاثاء يناير 22, 2008 7:06 am
المنتــدى الـع ــــــــامـ
السبت يناير 19, 2008 3:59 am
