انتحـــــــــار .... هه بس لا إرادي ...

ياللي سكنت القبر صوتي يناديـك::
(موتك جرح قلبي وهديـت حيلـي)
ما أنساك والله لين قبري يوازيـك ::
وأعلن من الدنيا العريضه رحيلـي
وأمـوت كـل مـا حـل طاريـك ::
(كنت أفتكر عمرك معانـا طويلـي)
يبكي عليك البيت من عرض أهاليك ::
(لا دخلت البيـت دمعـي يسيلـي)







اللهم أرحم ابن عمي
الذي وافته المنيه بتاريخ 6/12/2007 عن عمر يناهز 22سنة
اللهم أجعل قبره روضه من رياض الجنه فأنت الودود الكبير..
اللهم يارب محمد أبدله بدار أنت المتفضل فيها خير من دار الدنيا الفانيه..
اللهم اعفو عنه واغفر له وارحمه اعتقه من عذاب جهنم يا ارحم الراحمين ..
اللهم آنسه في وحدته وآنسه في وحشته وآنسه في غربته ...
اللهم انزله منزلا مباركا وانت خير المنزلين ...
اللهم انزله منازل الصديقين والشهداء والصالحين وحسن اولئك رفيقا...
آمين يارب العالمين...


....امممممممم... أدعوله قبل..واوعدوني أنكم ما تطوفون الدعاء....

هذا توقيع رفيجتي فمنتدى $*%$(#*$$*%$(#*$$*%$(#*$$*%$(#*$


مادري نزلت دموعي ع هالشباب اللي يروحون واحد ورى الثاني..



ومادري شاللي خذوه وياهم


قوطي زجاير..

ولا طولة اللسان..

ولا سيايريهم اللي جتلوا فيها خلق الله...

وياهم يوم يروحون وبنفس سلاحهم


بالسيارة...


الحين سؤالي..



السيارة زينة ولا شينة؟؟...


اللي بيقولي زينة جان احسن استخدامها...


منو اليوم يحسن استخدامها؟؟


منو اللي يحترم قوانين الشوارع ولا يخطف الإشارات وتزخه الرادارات؟؟



بذمتكم منو؟؟؟

وجان شينة...



ليش تشترونها؟؟


ليش ياخذونها لأخواني وهم يشوفون ريساتهم وخبلهم بهالسياير؟؟؟


لهالدرجة يكرهون عيالهم؟؟؟


لهالدرجة يبون الفراج وما شافوا غير السيارة وبالأحرى المووووت السريع؟؟؟


اممممممم... اسمحولي جان رمست وايد تذكرت شخص غالي وياليته ما راح..


كنت دايم أتجاهل إحساسي بشوقي لهالشخص..



وأقول كله منه...


محد قاله يشخط سيارته صوب الريسات..


ومرات أقول



كله من أبوه..



هو اللي شراله السيارة وهو بعده فالثانوية


بس الشي اللي أعرفه ومتأكدة منه...


الله اللي رايد هالشي....


يقولون السيارة انتحار!!!!!


بس الغالي انتحر!!!!!



معقولة!!!!



لا تلومني وما لايمنك
وكل شي أقدار ومكاتيب
صحيح إنته صغير سنك
ولا شي في حسنك عذاريب