وصيةأم لابنها

موضوع: وصيةأم لابنها الأحد مارس 02, 2008 3:39 pm

هذه القصيدة كبتها أم طاعنة في السن عندما اودعها ابنها للاسف في دار العجزة

يامسندي قلبي علـى الـدوم يـطـريـك
مـاغبت عن عيني وطيفك سمايه

هذي ثلاث اسنيـن والـعـيـن تبـكـيـك
ماشـفـت زولـك زايـر يا ضـنايـه

تذكر حـياتـي يـوم اشـيـلك واداريـك
والاعـبـك دايــم وتـمـشـي ورايـه

ترقد على صدري وصـوتـي يدفيـك
ماغـيرك احـدن ساكـن في حشايه

واذا مرضت اسهر بـقربك واداريك
مـا ذوق طعم النوم صبح ومسايه

يـامـا عـطيتـك من حناني وابعطـيك
تـكـبـر وتـكـبـر بـالامل يـا مـنـايه

لـكـن خـسـاره بعتني اليوم وش فيك
واخلصت للزوجة وانا لي شـقـايه

انـا ادري انـهـا قـاسـيـه مـاتـخـلـيـك
قـالـت عـجـوزك مـا ابـيـها مـعايه

وخليتني وسط المصحة وانا ارجيك
هذا جزاء المعروف وهـذا جـزايه

يــالـيــتـنــي خــدامــة بـيـن ايـاديـك
من شان اشوفك كـل يـوم برضايه

مشـكـور يا وليدي وتشكر مساعيـك
وادعـي لــك الـله دايـم بـالـهـدايــه

حـمـدان يـا حـمـدان امـك تـوصيـك
اخـاف مـن تلـحق تشوف الوصايه

اوصـيت دكـتـور الـمصحة بيعطيك
رسـالـتـي وحـروفـهـا مـن بــكـايه

وان مـت لا تبخـل علـي بـدعـاويك
واطلـب لـي الغفران وهذا رجـايه

وانـطـر تراب القبر بدموع عـينيـك
مـا عـاد يـنفعـك النــدم و النـعـايه

***********