مساكم الله بالخير يالربع
هذي قصيده لشاعر محمد بن حمود بن لحمر الهاجري ,,
عجبتني وحبيت انكم تقروونها
**
أنـا بـدوي واحـب طـاري البـداوه يامعذربين البـدو مافيكـم إحسـاس
قالـو بـدو قلـت الصفـا والنقـاوه يازين شوفتهم على الضّـو جـلاس
قالـو بـدو قلـت الكـرم والنخـاوه وأفعالهم فى ذمتـى ترفـع الـراس
قالـو بـدو والبـر فيـه الشـقـاوه قلت الوناسه عندهم فـوق الاطعـاس
قالو بـدو ونشـوف فيهـم قسـاوه قلت الخشونه يامعذرب لهـم سـاس
ابن البداوه صلـف مـا بـه رخـاوه اليا زهمته جـاك ماهـوب يحتـاس
بينه وبيـن الـلاّش حـرب وعـداوه وحلفه مع أهل الطيب ، واللاّش ينداس
شف لك من البـدوان واحـد وخـاوه حتى تفـرّق بيـن مطلـق وعبـاس
وان كان مـا صدقـت عالـج وداوه قلبك مريض وفيـه حقـد ٍ وسـواس
فى مجلـس البـدوان تلقـا حفـاوه وترحيبهم لضيوفهـم مالـه قيـاس
ويقدمون الطيـب مـن عـود جـاوه في سلمهم طيـب ومعـزه ونومـاس
هذي فقط نبـذه عـن أهـل البـداوه حبيت اوصلها لاجـل تاصـل النـاس
**
وسلامتكم ........ منقول
التراث و الشـعــر
السبت مارس 01, 2008 6:48 pm
