قصة الارنب والعنز(قصة منن التراث الاماراتي)

السلام عليكم ورحمة الله وبركاته

حبيت اطرح الكم قصه .. كانوا يدودنا من الزمان يقولونهاا الناا ..

كان يقولون النا :: كان هناك شيره خضراا وراقده تحتها الارنب .. جان اتيي العنز اتريد تاكل من الشيره الخضراا جان تتروع الارنب ... عصبت الارنب .. وقصدت في العنز :: وقالت ..

يا عفطيتي يانفطيتي يامحكت القرون ..

يوم شفتي الشيره خضيرا تحدرت عليج الينون ..

يعني .. انه العنز كل ما تشوف شيره خضرا يصيبها الينان وتتخبل .. كله تباا تاكل .. عاد الارنب تروعت جان تقصد فيها ..شوفوا شو ردت العنز على الارنب..

ردت العنز على الارنب وقالت::

يايهيبن ما يشد .. يالحيمن ما يبد ..

يا مبجيه القذران ..يا مزعله اليران..

انه يلد(جلد) الارنب مش قوي مايشد شي.. وانه لحمها اذا حد صادها ما يكفي حد .. اتصيح اليهال وتزعل اليران يعني .. تصيح عيال اليران انه لحمها ما يسد اليهال وتزعل اهل ايهال ليش يصيحون عيالهم ..